Frå den lokale kyrkjehistoria på Hinna, del 2
Då kyrkjeklokkene skulle testast dagen før vigslinga, var det ingen lyd å høyra! Edvard Eikill har skrive historia om då Hinna kirke blei bygd i 1967. Edvard var allereie då aktiv i kyrkjelyden. Han fortel både om forhistoria til kyrkja og om sjølve vigslingshelga for nøyaktig femti år sidan.
Hinna sokn blei i 1966 skilt ut frå Hetland prestegjeld. Det hadde lenge vore regelmessige gudstenester med dåp og nattverd på bedehuset Betlehem, som blei godkjent til kyrkjelege bruk ved kongeleg resolusjon allereie i 1913. Dette bedehuset står i dag på Norsk Folkemuseum på Bygdøy (her). Dei siste åra før 1967 var det gudsteneste annankvar søndag på Betlehem og på Hetland gymnas.
Les heile historia i heftet som er gitt ut til jubileumshelga.
Tilbake til den manglande klokkeklangen over Hinna. Edvard fortel historia frå laurdag 28. oktober 1967 då leiaren i byggekomiteen ville prøva kyrkjeklokkene for første gong:
Men da Trygve Brekke ville prøve ringeutstyret og få de første tre ganger tre – slagene til å runge over Hinna, ble det en rungende taushet. Hva var galt? Ingen kunne finne det, og utpå kvelden gikk et nødrop til klokkestøperiet Olsen Nauen i Vestfold. Innehaveren, Olsen Nauen selv, satte seg i bilen og var på Hinna tidlig søndag morgen. Da klokkene skulle ringe, ringte de for fullt.
Relaterte notat:
- Victor Sparre om glaskunsten i Hinna kirke. Frå den lokale kyrkjehistoria på Hinna, del 3
- Alfred Hauge om vigslinga av Hinna kirke. Frå den lokale kyrkjehistoria på Hinna, del 1
Gildt å lesa for en utflytt hinnabu!
Kjekt at ein utflytta hinnabu fann bloggen min 🙂 Her er lenke til kategorien «Hinna» som viser det eg elles har skrive relatert til Hinna og kyrkja der: https://arneberge.wordpress.com/category/hinna/