Hiskias tunnel

April 2005

30 minutt vandring under jorda i gamal og trong tunnel med rennande vatn. Eg er i Davidsbyen, ein del av Jerusalem eg ikkje har vore i før. Tunnelen går frå ei kjelde som heiter Gihon til Siloadammen. Begge desse stadane og Hiskiatunnelen som forbinder dei er nemnt i Bibelen, og Siloadammen var eit viktig samlingspunkt i byen på Jesu tid (vatn har for øvrig alltid vore viktig her i Midt-Austen). Jesus nemner dammen bl. a. i Joh 9,7:

Så sa han til han: Gå og vask deg i Siloa-dammen.» Siloa tyder «utsend». Mannen gjekk dit og vaska seg, og då han kom att, kunne han sjå.

Arne Dag og eg gjekk gjennom denne tunnelen frå kjelda lenger oppe i dalen. Den største opplevinga var eigentleg ikkje sjølve Siloadammen, men å gå gjennom dette vatnsystemet som fører vatn inn i dammen.

Oppdatering: Tunnelen fører ut til ein dam som ikkje er den nytestamentlege, men nokre hundreår yngre. Seinare har eg fleire gonger besøkt restane etter den nytestamentlege dammen som ligg like i nærleiken. Eg har seinare skrive meir om staden i notatet Rennande vatn i Davidsbyen.

Då me bestemte oss for å gå tunnelen, fekk me låna lommelykt og plastsandalar. Dei to ungararane me er saman med, våga seg dessverre ikkje på dette prosjektet, men Arne Dag og eg var fast bestemt på at dette ville me gjennomføra.

Det var absolutt ikkje ein stad for dei med klaustrofobi. Det var sjølvsagt kolsvart når me skrudde av lyktene. Tunnelen var ca 50-70 cm brei. Dei fleste stadane kunne me gå oppreist. Det rann heile tida vatn gjennom den, og me fulgte straumen. Vatnet gjekk stort sett opp til knærne, men på det djupaste rakk det langt opp på låret. Me gjekk i underbukse og t-skjorte, og det var eit svært greitt antrekk. Kunne dermed ta på oss turre bukser (som me hadde i ryggsekken) då me kom ut. Me tok bilete både inne i tunnelen og ved Siloadammen. Du kan også sjå bilete frå staden f eks her.

Det var ei spesiell oppleving. Tunnelen blei hogd ut under kong Hiskia som var konge i Jerusalem ca 700 f. Kr. men Gihonkjelda har gjeve vatn til byen frå den blei grunnlagt ca 2000 f.Kr. Poenget er at det frå kong Hiskias tid har vore ein tunnel som førte vatn frå ei kjelde med friskt vatn utanfor byen til ein dam inne i byen. Dette var viktig i tider då byen var truga av fiendar, for vatnet i Siloadammen betydde at dei kunne sleppa å gå utanfor bymuren for å henta vatn. Delar av tunnelen blei oppdaga av arkeologar paa 1800-talet, dei siste delane blei opna for folk flest for ca 10 år sidan.

Me kom ned til tunnelen gjennom ein sjakt som er oppkalt etter arkeologen som fann den, Warrens Shaft. Då kong David inntok byen sendte han soldatane sine inn i den befesta byen gjennom ein sjakt, og det kan vera denne sjakta som nå er funnen.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s

%d bloggarar likar dette: